Донецк Халқ Республикаси (ДХР) ички ишлар вазири миграция қоидаларини бузган Марказий Осиё давлатларининг уч нафар фуқаросига нисбатан Россияга 50 йил муддатга киришни тақиқлаш ҳақида қарор қабул қилди. Вазирлик маълумотига кўра, бу чора Россия Федерациясининг янги ҳудудлари учун муддати бўйича рекорд ҳисобланади. Бу ҳақда xabar bermoqda «РИА Новости».
ДХР ИИВнинг Telegram-каналида эълон қилинган маълумотга кўра, Донецк шаҳрида полиция ходимлари томонидан миграция қонунчилигини бузган Марказий Осиё давлатларидан келган уч нафар муҳожир аниқланган. Текширув жараёнида уларнинг мобил телефонларидан порнография элементлари мавжуд бўлган фото ва видео материаллар, шунингдек, радикал ғояларга қизиқишни кўрсатувчи контент аниқланган.
«Олинган маълумотлар асосида Донецк Халқ Республикаси ички ишлар вазири томонидан ушбу фуқароларга нисбатан Россия Федерациясига 50 йил муддатга киришни тақиқлаш ҳақида қарор қабул қилинди. Таъкидлаш жоизки, Россиянинг янги ҳудудларида бу каби қаттиқ миграция чоралари — бунчалик узоқ муддатга мамлакатга киришни тақиқлаш — биринчи марта қўлланилмоқда», — дейилади ДХР ИИВ хабарида.
Ушбу прецедент Россиянинг янги ҳудудлари раҳбарияти миграция сиёсатида қатъийликни ошириш, экстремизмга қарши курашиш ва жамоатчилик ахлоқ қоидалари бузилишига барҳам бериш ниятида эканлигидан далолат беради.
