Kamchatkada xorij fuqarolarini soxta ro‘yxatga olishni tashkil etish bo‘yicha faoliyat to‘xtatildi. Petropavlovsk-Kamchatskiyda O‘zbekistondan kelgan migrantlarni ommaviy soxta ro‘yxatga olish sxemasini uyushtirganlikda gumon qilinuvchi, muqaddam mansabdorlik jinoyatlari va giyohvand moddalar savdosida ayblanib sudlangan 33 yoshli mahalliy fuqaroga nisbatan jinoiy ish qo‘zg‘atildi.
Rossiya Ichki ishlar vazirligining Kamchatka oʻlkasi boʻyicha maʼlumotlariga koʻra, gumonlanuvchi joriy yilning 30 aprelidan 11 iyuniga qadar 72 nafar Oʻzbekiston fuqarosini yashash manzili boʻyicha roʻyxatga olgan, ularga uy-joy bilan taʼminlashning real imkoniyati boʻlmagan.
Gumon qilinuvchining xatti-harakatlari Rossiya Federatsiyasi Jinoyat kodeksining 322.3-moddasi (chet el fuqarosi yoki fuqaroligi bo'lmagan shaxsni Rossiya Federatsiyasida turgan joyida soxta ro'yxatga olish) bilan tasniflanadi, bu esa besh yilgacha ozodlikdan mahrum qilish tarzidagi jazoni nazarda tutadi. Gumon qilinuvchi shaxsga nisbatan chetga chiqmaslik va oʻzini toʻgʻri tutish toʻgʻrisida yozma majburiyat tarzidagi ehtiyot chorasi tanlandi.
