Sankt-Peterburgda politsiya shahar markazida joylashgan "Apraksin Dvor" bozorida keng ko'lamli reyd o'tkazdi. Peterburg politsiyasining 200 dan ortiq xodimlarining ishtirokida o'tkazilgan ushbu operatsiyaning maqsadi migratsiya qonunchiligiga rioya etilishini tekshirish bo'ldi.
Маълум қилинишича xabar bermoqda Sankt-Peterburg va Leningrad viloyati Bosh Ichki Ishlar Boshqarmasi matbuot xizmatining ma’lumotlariga ko‘ra, reyd davomida 319 chet el fuqarosi tekshirildi. Tekshiruvlar natijasida bir necha o‘nlab chet elliklarda migratsiya qonunlarini buzgan holatlar aniqlandi. Qoidabuzarlar ma’muriy javobgarlikka tortish uchun politsiyaga olib kelingan, eng qat’iy qonunbuzarlarni esa Rossiyadan deportatsiya qilish kutmoqda.
Migratsiya qonunchiligini buzish holatlaridan tashqari, politsiya kontrafakt tamaki mahsulotlari sotilganligini aniqladi va davlat ro'yxatidan o'tmagan oziq-ovqat mahsulotlari sotiladigan savdo nuqtasini topdi.
Davlat avtoinspeksiyasi xodimlari "Apraksin Dvor" hududida joylashgan 50 dan ortiq avtomobilni ham tekshirib, bir qator qoidabuzarliklarni aniqladi va haydovchilarga nisbatan ma'muriy bayonnomalar tuzdi.
Bosh ichki ishlar boshqarmasi o'tkazilgan reyd politsiyaning shahardagi migratsiya holatini nazorat qilish va ushbu sohadagi qoidabuzarliklarga barham berish bo'yicha rejali ishlarining bir qismi ekanligini ta'kidladi.
Xalq orasida "Aprashka" nomi bilan tanilgan "Apraksin Dvor" Sankt-Peterburgdagi eng qadimiy va yirik bozorlardan biri bo'lib, o'zining 1990-yillardan buyon saqlanib qolgan o'ziga xosligini yo'qotmagan.
