Rossiya Federatsiyasi Milliy antikorrupsiya qo'mitasi raisi hamda Rossiya Federatsiyasi Prezidenti huzuridagi Fuqarolik jamiyati va inson huquqlarini rivojlantirish kengashi a'zosi Kirill Kabanov Xanti-Mansiysk avtonom okrugi (XMAO)dagi vaziyatdan xavotir bildirdi, uning fikricha, u yerda “Markaziy Osiyo va Janubiy Kavkazdan kelganlar tomonidan mintaqani egallab olish/yutib yuborish” kuzatilmoqda.
O‘z Telegram-kanalida Kabanov o‘zida islomlashish alomatlari va mahalliy aholining okrugdan siqib chiqarilayotganligi haqida bayon qildi. Uning so‘zlariga ko‘ra, mahalliy hokimiyatlar buni ruslarning qiyin hayot sharoiti tufayli ko‘chib ketishi bilan bog‘liq “tabiiy aholi almashinuvi” deb izohlaydi. Biroq, jamoat arbobining fikricha, XMAO “butunlay bir katta etnik O‘rta Osiyo anklaviga aylanmoqda”, bu esa ruslarni mintaqani tark etishga majbur qilmoqda
Kabanov yuzaga kelgan vaziyat uchun migratsiya va milliy siyosatdagi muvaffaqiyatsizlikni ayblaydi. U hozirgi tendensiyalarning saqlanib qolishi XMAOning "o'z qoidalari va qonunlari bo'yicha yashovchi Rossiya Federatsiyasi hududiga" aylanishiga olib kelishi mumkinligidan ogohlantiradi.
Kabanov soxta ro'yxatga olish va migrantlarni noqonuniy legallashtirishni tashkil etishda ishtirok etgan shaxslarni javobgarlikka tortishdan tashqari, noqonuniy yo'l bilan olingan migratsiya maqomi va fuqarolikdan mahrum qilish hamda keyinchalik deportatsiya qilish mexanizmini joriy etishni taklif qiladi.
