Donald Tramp AQSh chegarasini qonuniy asoslarsiz kesib o'tgan ba'zi noqonuniy muhojirlar uchun qishloq xo'jaligi va mehmonxona biznesida qonuniy ishlash imkonini beruvchi "vaqtinchalik yo'llanmalar" tizimini yaratish imkoniyatini ko'rib chiqmoqda, deb xabar beradi nytimes.com.
Trampning so'zlariga ko'ra, noqonuniy migrantlar mehnatidan voz kechish ushbu sohalarga salbiy ta'sir ko'rsatadi, chunki fermerlar va mehmonxona egalari arzon ishchi kuchi tanqisligini his qilmoqda.
Taklif etilayotgan tizim maxsus ruxsatnoma berishni nazarda tutadi, bu esa ishlash va soliq to'lash imkonini beradi, ammo Amerika fuqaroligini olish huquqini bermaydi. "Fermerlar ushbu ishchilar uchun to'liq javobgarlikni o'z zimmalariga olishlari mumkin. Ular fuqarolikni olmaydilar, lekin ishlaydilar va soliq to'laydilar", — dedi prezident.
Bu tashabbusni amalga oshirish tafsilotlari hozircha noma'lum va Oq uy izoh berishdan tiyilmoqda.
Avval Tramp millionlab noqonuniy migrantlarni deportatsiya qilish niyatida ekanligini bildirgan bo'lsa-da, taklif etilayotgan "vaqtinchalik yo'llanmalar" tizimi uning qattiq immigratsiya siyosatida yumshatish sifatida qaralishi mumkin.
AQShdagi noqonuniy migrantlarning taqdiri yana diqqat markazida bo'ldi va yaqin kelajakda yangi tashabbusning amaliy jihatlari bo'yicha batafsilroq ma'lumotlar taqdim etilishi kutilmoqda. Ushbu taklif qanday qabul qilinishi va amalga oshirilishi savoli ochiq qolmoqda, ammo mamlakatda ishchi kuchiga bo'lgan ehtiyoj haliyam yuqori.
