Novosibirskda chet el fuqarolarining bolalari uchun o‘tkazilgan til bilish testining dastlabki natijalari e’lon qilindi. 2025 yildan boshlab bu test Rossiya maktablariga qabul qilish uchun majburiy shartga aylandi xabar bermoqda RIA Novosti ma’lumotlariga ko‘ra, testdan o‘tgan 70 boladan atigi 39 nafari rus tilini yetarlicha bilish darajasini ko‘rsatdi. Qolgan bolalar esa yetarli bilim darajasiga ega emas
Test sinovlari shaharning uchta maktabi – 77, 91 va 167-sonli maktablar negizida tashkil etildi. Ta’lim departamenti boshlig‘i Ramil Axmetgareevning tushuntirishicha, imtihondan o‘ta olmagan bolalarga yana bir bor urinish imkoniyati beriladi, ammo uch oydan oldin emas. Shu bilan birga, bilim sinovlarining asosiy oqimi avgust oyiga – yangi o‘quv yiliga faol tayyorgarlik davriga rejalashtirilgan.
Eslatib o'tamiz, 2025-yil 1-apreldan boshlab, rus tilini bilmaydigan migrant bolalarni maktablarga qabul qilishni taqiqlovchi qonun kuchga kirdi. Davlat Dumasi spikeri Vyacheslav Volodin va vitse-spiker Irina Yarovaya rahbarligida ishlab chiqilgan ushbu tashabbus qulay ta'lim muhitini ta'minlash va xorijlik o'quvchilarga tezroq moslashishga yordam berishga qaratilgan.
Yangi qoidalar nafaqat birinchi sinf o'quvchilariga, balki fuqaroligi bo'lmagan yoki xorijiy hujjatlarga ega bo'lgan barcha bolalarga ham tegishli. Rasmiylar ta'kidlaydi: davlat tilini bilish o'quv jarayoniga muvaffaqiyatli integratsiyalashuvning asosiy talabidir.
