Тожикистон ҳукумати афғон муҳожирларига мамлакатни тарк этиш учун 15 кун муҳлат берди, деб хабар қилмоқда Khaama Press.
Бу қадам қочқинлар орасида қўрқув ва ноаниқлик муҳитини юзага келтирди. Манбаларнинг хабар беришича, ультиматум Тожикистонда яшаш рухсатномасига эга бўлганларни ҳам қамраб олади. Ҳозирда мамлакат ҳудудида 13 мингдан ортиқ афғон бор.
Ҳукуматнинг бу позицияси хавотирларни кучайтирмоқда, чунки вазият хавфсизлик излаб ўз ватанини тарк этган кўплаб қочқинларнинг оғир аҳволини янада ёмонлаштириши мумкин. Мажбурий депортация бўйича мисли кўрилмаган чоралар инсон ҳуқуқларини ҳимоя қилиш амалиётлари ва муҳожирларнинг ижтимоий эҳтиёжларини таъминлаш усуллари ҳақида саволларни келтириб чиқаради.
