2025 йил 1 сентябрдан бошлаб Москва ва Москва вилоятида визасиз Россияга келувчи муҳожирларнинг янги ҳисобини юритиш бўйича эксперимент бошланади. ИИВ буйруқ лойиҳасига кўра, рўйхатга олиш махсус мобил илова орқали олиб борилади. Агар тизимда уч кун давомида муҳожирнинг геолокацияси қайд этилмаса, у автоматик равишда навбатдаги кунда рўйхатдан чиқарилади. Бундай чора 2029 йил 1 сентябрга қадар амал қилади ва муҳожирларнинг бўлишини назорат қилиш тўғрисидаги қонунга қўшимча сифатида киритилади. Беларус фуқаролари ва айрим имтиёзли тоифалар бундан истисно қилинади. Бу ҳақда xabar bermoqda «Парламентская Газета».
Янги қоидалар патентга эга бўлиб ишлашга келувчи ва патентсиз ишловчи, шунингдек пойтахт ва вилоятда вақтинча 90 кундан ортиқ бўлиб турувчи муҳожирларни қамраб олади. Ҳозирда муҳожирларни уй эгалари рўйхатга олиши керак, аммо амалийотда кўплари рад этишларига дучор бўлмоқда ва сохта пропискани сотиб олишга мажбур бўлмоқда. Қонун чиқарувчиларнинг фикрига кўра, мобил илова бу бўшлиқни тўлдириб, рўйхатни ҳақиқий яшаш манзилига яқинлаштиради.
Давлат Думаси Хавфсизлик қўмитаси раисининг ўринбосари Анатолий Выборнойнинг фикрича, янги тартиб эркин ҳаракатланиш ҳуқуқини чекламайди, балки қонунбузарликларни олдини олиш ва жиноятга мойил шахсларни аниқлашга қаратилган. Депутат таъкидлашича, геолокация назорати иш берувчиларни текшириш ва муҳожирларга ахборот ёрдами кўрсатиш билан уйғунлашиши керак. Шу билан бирга, ноҳақ жазоларга олиб келиши мумкин бўлган суистеъмоллар ва техник носозликларни истисно этиш муҳим. Парламент аъзосининг фикрича, тўғри амалга оширилса, эксперимент яширин миграция даражасини пасайтиради ва хавфсизликни оширади.
