Россия Мусулмонлари диний идораси рус тилини билмагани учун мактабларга қабул қилинмаган муҳожирлар болаларининг тақдири юзасидан жиддий ташвиш билдирди. Мусулмонлари диний идораси раҳбари Равил Гайнутдин баёнот билан чиқиб, қабулдан бош тортишни «ота-оналарга сабоқ сифатида жазолаш» деб атади ва «яқин қўшничилик муносабатларини» бузмасликка чақирди. Бу ҳақда xabar bermoqda «Газета.ру».
«Биз айниқса мактабларга қабул қилинмаган болалар тақдири ҳақида ташвишдамиз. Буюк рус маданияти гуманизм анъаналарида шаклланган, лекин ҳаргиз болаларни ота-оналарига сабоқ сифатида ўйламай жазолашда эмас», — дейилади Мусулмонлари диний идораси сайтида эълон қилинган Гайнутдин мурожаатида.
Гайнутдин таъкидлашича, Ғалабанинг 80 йиллиги нишонланаётган бу йил қўшни давлатлар билан алоқаларни мустаҳкамлаш муҳимдир ва «радикаллар славян-туркий-форсзабон иттифоқи учбурчагини бузиб юборишларига» йўл қўймаслик зарур. У Россия мусулмонларини ушбу болалар учун «яхши шафоат билан ҳимоячи бўлишга» чорлади.
Эслатиб ўтамиз, 2025 йил 1 апрелдан мамлакатда муҳожирлар болалари таълим муассасаларига қабул қилинмасдан олдин рус тилини билиш бўйича текширувдан ўтишини мажбурий этувчи қонун кучга кирган.
