Россия полицияси ва ФСБ ноқонуний муҳожирликка қарши кураш доирасида Красноярск вилоятининг Емельяновский туманида ўтказилган ўзбек хонандa Жалолиддин Ахмадалиев концерти пайтида кенг кўламли рейд ўтказди. Бу ҳақда xabar bermoqda «Gazeta uz».
Тасодифий тарзда ўтказилган операция чоғида 620 нафар фуқаро, жумладан 210 нафар муҳожир текширувдан ўтказилди.
Текширув натижалари
- Полиция бўлимларига жами 26 киши олиб кетилган.
- Россия Федерациясида бўлиш қоидаларини бузгани учун 8 нафар Ўзбекистон фуқароси аниқланган.
- Тўрт нафарга нисбатан маъмурий тартибда Россиядан чиқариш чораси қўлланилган, яна тўрт киши вақтинчалик сақлаш марказига жойлаштирилган.
Ўзбекистон Бош консулхонаси концерт маҳаллий ҳокимиятлар билан келишилмаганини маълум қилиб, бу ҳолат воқеага сабаб бўлган бўлиши мумкинлигини айтди. Шу билан бирга, консулхона куч тузилмалари ҳаракатларига норозилик билдирди ва бундай рейдлар ҳуқуқий асосга эга бўлиши ҳамда “маданий ҳордиққа тўсқинлик қилмаслиги” кераклигини таъкидлади. Консулхона ҳозирда ушланганларга ҳуқуқий ёрдам кўрсатмоқда ва Россия ҳуқуқ-тартибот идоралари ҳаракатларига ҳуқуқий баҳо бериш ташаббуси билан чиққан.
