Россия ФСБ ходимлари Ростов-на-Дону шаҳрида россиялик офицерни ўлдиришни режалаштирган Марказий Осиёлик мигрантни қўлга олди. ФСБнинг Жамоатчилик билан алоқалар маркази (ЦОС) маълумотига кўра, жиноятчи украин махсус хизматларининг топшириғига биноан ҳаракат қилган. Бу ҳақда xabar bermoqda «РБК».
Қўлга олинган шахс — Марказий Осиё давлатларидан бири фуқароси, 1982 йилда туғилган. У чет элда халқаро террористик гуруҳлар билан боғлиқ воситачи орқали ёлланган. Ростовга келганидан сўнг, у квартира ижарага олди, нишон шахс яшайдиган манзилни аниқлаб, қўлбола бомба ёрдамида ҳужумга тайёргарлик кўрди. Қидирув вақтида ундан тротил эквивалентида 400 граммли портловчи қурилма олиб қўйилди.
«Фигурант қўлга олинди ва айбини тан олмоқда», — дея хабар берди махсус хизмат. Унга нисбатан жиноят иши қўзғатилган: террорчиликка тайёргарлик кўриш (Россия Жиноят кодексининг 30-моддаси 1-қисми ва 205-моддаси 1-қисми), портловчи моддаларни ноқонуний муомалада сақлаш (222.1-модда 1-қисм) ҳамда уларни тайёрлаш (223.1-модда 1-қисм) моддалари бўйича айблов қўйилган.
Тергов маълумотларига кўра, украин кураторалари томонидан ташкил этилган мазкур операция Россиядаги вазиятни издан чиқаришга қаратилган бўлган.
