Алексей Нечаев бошчилигидаги «Янги одамлар» фракцияси депутатлари Давлат думасига қонун лойиҳасини киритдилар. Унда меҳнат муҳожирларига расмий ойлик маошидан ортиқ суммада пулни хорижга ўтказишни тақиқлаш таклиф этилган. Бу ҳақда xabar bermoqda «ТАСС».
Ташаббуснинг мақсади — ноқонуний йўллар билан топилган маблағларни четга олиб чиқишнинг олдини олиш. Қонун лойиҳаси муаллифларининг таъкидлашича, 2023 йилда муҳожирлар ватанига 18 миллиард доллардан зиёд пул ўтказган. Шу билан бирга, уларнинг қайд этишича, амалдаги қонунчилик пул ўтказмалари ҳажмини расмий даромадлар билан самарали таққослаш имконини бермайди.
Тақдим этилган ўзгаришлар «Валюта тартибга солиш ва валюта назорати тўғрисида»ги қонунга киритилиши кўзда тутилмоқда. Уларнинг мақсади — манбаи ҳужжат билан тасдиқланмаган маблағларни чет элга юборишнинг олдини олиш.
