"Деловая Россия" ("Ишчан Россия") ташкилотининг Ҳиндистондаги бизнес элчиси Ольга Куликованинг маълум қилишича, Россия иш берувчиларидан келаётган аризалар динамикаси ошиб бораётганлиги сабабли, Ҳиндистондан Россияга меҳнат муҳожирлари оқими яқин йилларда икки баравар ошиши, шунингдек, 2026 йилда ҳам ўсишда давом этиши прогноз қилинмоқда. Бу ҳақда xabar bermoqda «Известия».
Куликова таъкидлашича, ҳиндистонлик ишчилар оқимининг ошиши Россия учун анъанавий бўлган бошқа мамлакатлардан келадиган муҳожирликнинг қисман камайишини қоплайди.
Экспертлар қайд этишича, ҳозирда Россияда Ҳиндистон фуқаролари сони тахминан 70 минг нафарни ташкил этади, бу эса Марказий Осиёдан келадиган миллионлаб муҳожирлар оқими билан солиштириб бўлмайди. Шунга қарамай, ҳинд мутахассисларининг ўсиш суръати сезиларли.
Кадр агентликлари қайд этадики, «виза» квоталари асосида келаётган Ҳиндистон муҳожирлари бозор учун анча прогнозли ҳисобланади: улар одатда контракт бўйича бир иш берувчига боғланган бўлиб, иш берувчисини ўзгартирмайдилар.
