Moskva viloyatining Chexov shahrida muhojirlar ishtirokida yirik mojaro yuz berdi, natijada politsiya 32 kishini hibsga oldi. Hodisa 9 iyun kuni Gubernskiy mikrorayonidagi savdo markazi yaqinida sodir bo‘lgan. Dastlabki ma’lumotlarga ko‘ra, erkaklar o‘rtasidagi mojaro mushtlashuvga aylangan, ikki ishtirokchi jarohatlangan.
Hibsga olinganlar migratsiya qonunchiligini buzganlik uchun - Rossiyaga kirish qoidalariga yoki Rossiyada bo‘lish rejimiga rioya qilmaganliklari uchun ma’muriy javobgarlikka tortilgan. Politsiya tergovni davom ettirmoqda: ular mushtlashuv holatlarini tekshirmoqda, tan jarohatlarini qayd etmoqda va boshqa ehtimoliy ishtirokchilarni aniqlamoqda. Bu haqda Ichki ishlar vazirligining Moskva viloyati bo‘yicha bosh boshqarmasining Telegram-kanalida xabar berildi.
